"Оқуға құштар" мектепішілік жоба

2022 жылдың қазан айында М.Әуезов атындағы орта мектебінің 3 "Ә" сынып оқушылары кітапхана меңгерушісі Г.Усенбекованың сүйемелдеуімен "Оқуға құштар" мектепішілік жоба аясында "Қазақ балалар әдебитінің классикалық үлгілері" атты жинағымен танысты. Оның ішінде сынып оқушыларының таңдауымен Ыбырай Алтынсариннің "Бай баласы мен жарлы баласы"  тақырыбындағы шағын әңгімесін оқыды. Бұл керемет іс-шарада балалар мәнерлеп оқуды, әңгіменің мағынасын түсіне білу, өз ойларын жүйелі түрде жеткізе білуді үйренді. Сондай-ақ әңгіме сюжетімен тереңірек танысып, әңгіменің тақырыбы мен ақынның негізгі идеялық мұратын шығармасына сүйене отырып ашып, кейіпкерлер жүйесін талдауға жаттықты. Оқушылар әңгімедегі Үсен кейіпкерін ұнатты, ол байсалды, ақылды, епті, еңбексүйгіш, талапты болып бейнеленеді, оның бұлай болуы жасынан еңбек етіп үйренуінен екенін түсініп, Үсенді үлгі тұтып отыр. Жетекшісі: А. Кузенбаева.