"Отбасындағы зорлық-зомбылықтың алдын алу" тақырыбында психологиялық кеңес

Жалпы білім беретін мектеп психологтарына арналған «Психологиялық тұрғыда тұрмыстық зорлық-зомбылықтың алдын алу» тақырыбында ұйымдастырылған облыстық онлайн марафонының ІІ кезеңінің шарты бойынша 2023 жылдың 14 сәуір күнінде М.Әуезов атындағы орта мектебінің психологі М. Джамалиева «Отбасындағы зорлық-зомбылықтың алдын алу» айдарында ата-аналар мен оқушыларға психологиялық кеңестер берді. Сонымен қатар, психолог Мария Маратовна стресс кезінде адамның миының жұмыс істеу тәртібі өзгеретінін, эмоционалды түрде күйзеліске ұшырайтынын, денеде пайда болған қысымдардың барлығын өзіне қабылдап алатынын айтып, стрестің алдын алу үшін «Қарапайым жаттығуларды білу адамға не үшін керек?», «Адам өзіне қалай көмектесе алады?» деген сұрақтарға жауап берді. Сондай-ақ, ол 7,8,9 сынып оқушыларының ата-аналарымен «Шаңғышы», «Қолдармен жұмыс», «Тыныс алу жаттығулары», «Төртбұрышта дем алу», оқушыларға арналған «Лимон», «Шыбын», «Тынысты сана», «Ағаш кесуші» атты өте тиімді әрі қарапайым жаттығуларды жасап көрсету арқылы осылайша әр адам стрестен арыла алатынын жеткізді.