12 сәуір – Қазақстанда ғылым саласы қызметкерлерінің күні.

12 сәуір – Қазақстанда ғылым саласы қызметкерлерінің күні. Мерекені атап өту 2012 жылдан басталды. Дәл осы күн қазақ академигі, ғалым-геолог әрі Қазақстан ғылым академиясының тұңғыш президенті Қаныш Сәтбаев дүниеге келген күніне тұспа – тұс келіп отыр. Сол атаулы күнге байланысты М.Әуезов атындағы орта мектептің  бастауыш сынып  мұғалімі Курманова Алия оқушылар арасында «Мақал- сөздің мәйегі» тақырыбында  мақал-мәтел сайысын өткізіп,өз үлесін қосты.
 Эмблема таңдау арқылы екі топ құрылды.
 1. «Шешендер» тобы 
2. «Тіл мергендері» тобы
  «Төртеу түгел болса төбедегі келеді» дегендей сайыс 4 тур арқылы өтті 
 1. Сиқырлы шаршылар 
 2. Ойлан тап. 
 3. Жалғасын тап
 4. Мықты болсаң тауып көр.
 Оқушылар сайысқа зор жауапкершілікпен қарап, алған білімдерін  көрсете алды.
Негізгі бөлімдегі сұрақтар оқушылардың ой-өрісін кеңейтіп, шығармашылық қабілеттерін арттыруға  арналды. Қорытынды бөлімінде оқушылардың білім деңгейі сарапталып,  ұпай сандары есептеліп,оқушылардың білімдері бағаланды. Сайыс қызықты әрі тартымды болды.