"Мамандықты қалай таңдау керек?" тренинг

«Болашаққа жол ашайық» тақырыбындағы фестивальдің ІІ-кезеңінде оқушылар мен ата-аналар мектептің ішіне кіріп, екі кабинетке бөлінді. Шамалған ауылы мен Қаскелең қаласынан келген колледж мамандарына сөз кезегі берілді. Олар өздері жұмыс істейтін мекемелеріндегі түрлі мамандықтардың бар екендігін, әр түрлі бейнероликтер мен презентацияларды көрсете отырып, әр мамандықтарға жеке-жеке тоқталып, кеңінен ақпарат берді, жадынама таратты. Мектеп психологтары А. Набиева мен М. Джамалиева «Мамандықты қалай таңдау керек?» тақырыбында тренинг өткізді. Ата-аналар мен балалар арасында жақындық сезімдерін, бір-бірлерін қабылдауларын қалыптастыру, қарым-қатынас дағдыларын дамыту және оқушының өзінің қабілетін, бейімін, қызығушылығын мамандыққа сай тани білуге үйрету мақсаттарында «Мені түсін», «Жасырылған мамандықтарды тап!» атты жаттығуларды жүргізді. Психологиялық ойын-жаттығуларға оқушылар мен ата-аналар белсенді қатысты. Сондай-ақ, мамандық таңдауға байланысты оқушыларға арналған кеңес берілді.