Оқыту семинарында «Эмпатия және сыйластық – достықтың негізі» тақырыбында 9–11 сынып оқушыларымен тренингтер өткізді.

2025 жылдың 6 наурыз күні "Өркен" балалардың әл-аухатын арттыру ұлттық ғылыми-практикалық институтының тренері Адбикаликова Берикгуль Тулепбергеновнамен бірге М. Әуезов атындағы орта мектебінің педагог-психологі М. Джамалиева Б. Момышұлы атындағы орта мектеп базасында «Эмпатия және сыйластық – достықтың негізі» тақырыбында 9–11 сынып оқушыларымен тренингтер өткізді. Мақсаты: *Оқушыларға эмпатия ұғымын түсіндіру; *Басқа адамдардың сезімдерін түсініп, сыйластық көрсетуге үйрету; *Достықтың берік болуы үшін эмпатия мен сыйластықтың маңыздылығын көрсету.  Бұл жасөспірімдер үшін өте маңызды тақырып, өйткені олар қарым-қатынасты тереңірек түсіне бастайды және жанашырлық көрсету қабілетін дамытады. М. Джамалиева әрістестері С. Жауханова, М. Қайырллаевамен бірге оқушылармен «Эмпатия деген не?», «Сыйластық шеңбері», «Эмпатия күнделігі», «Үй. Адам. Ағаш.» ойын-жаттығуларын жүргізіп, тапсырмалар беріп, сұрақ-жауап әдісін қолданды. Оқушылар қысқа пікірлерімен бөлісті, досына арнап өзі шығарған өлең шумағын оқып берді. Достық тек ортақ қызығушылықтар емес, өзара түсіністік пен қолдауға негізделеді. Эмпатия мен сыйластық – шынайы достықтың негізі. Оқушылардың білім алуы үшін ең маңызды нәрсе – өздерін қауіпсіз әрі қолдау тапқан ортада сезіну!