"Адам болам десеңіз..."

    М.Әуезов атындағы орта мектебінде 2024 жылдың 25 қаңтар күні бастауыш сынып мұғалімдерінің «Оқу үдерісінде кері байланыс жүргізудің маңыздылығы және түрлері» тақырыбымен өткізілген аудандық семинар-практикумда педагог-психологтар А.Набиева мен М.Джамалиева қатысушыларға психологиялық ахуал туғызу мақсатында  «Адам болам десеңіз...» атты  тренинг жүргізді. Тренингті «Сәлем – сөздің анасы» кубик арқылы ұлттық құндылықтарды дәріптей отырып амандасу түрлерімен бастап, «Кел, танысайық!» ерекше танысу, қарым-қатынасты нығайту мақсатында  «Көңілді шарлар» және педагогтердің өзін-өзі бағалауын жоғарылатуға «Мен кіммін?» тренингтері арқылы қатысушыларға психологиялық ахуал туғызды. Семинарға келген бастауыш сынып ұстаздары шараға белсене қатысып, бір-бірін бағалап, өмірдегі өзінің рөлін тағы да бір мәрте жадына түсіре отырып, өзін жақсы көруге, мақтауға лайықты және қазақ әйелдерінің орны қашан да жоғары екеніне көз жеткізді.