«Жасөспірімдер арасындағы буллинг, моббинг, кибербуллингтің алдын алу жолдары» тақырыбындағы аудандық семинар

26-қаңтар 2023 жылы «Алматы обылысы білім басқармасының Қарасай ауданы бойынша білім бөлімі» мемлекеттік мекемесінің әдіскері Ж.Нуртазаев Абай атындағы орта мектеп-гимназиясында  «Жасөспірімдер арасындағы буллинг, моббинг, кибербуллингтің алдын алу жолдары» тақырыбындағы аудандық семинар-практикум өткізді. Ұйымдастырылған шараға Қарасай ауданының педагог-психологтары қатысып, «Өмірді өзгерткің келсе өзіңнен баста» тақырыбындағы дөңгелек үстелде өз іс-тәжірибелерімен бөлісті, көзқарастарын білдірді. Сондай-ақ, психологиялық тимбилдингке, «Өмір нетен керемет!» атты ойынға қатыса отырып, өзара қарым-қатынасты дамытуға арналған сөздік топтамаларды іске асырды. Аталған семинар-практикумның «Ашық микрофон» айдарында М.Әуезов атындағы орта мектебінің педагог-психологы М.Джамалиева пікір алмасып, өз ойын ортаға салды.