«Жас көшбасшы»

Көшбасшылар барлық жерде бар. Қоғамның әр саласында, өнеркәсіптің әр құрылымында. Олар әрқашан болған және болады. Көшбасшылыққа баулу арқылы тәрбие мен білім беру-бастауыш мектептен басталады. Мектеп – өмірде қандай тұлға болатыныңызды айқындайтын өткел. Мектеп қабырғасында жүріп қалыптасқан әдет-дағды бүкіл өмірге себепкер болады. Үлгілі  шәкірттердің жетістігі ұстаз үшін - биік мәртебе болса, ата - анасы үшін үлкен қуаныш. Сондай жетістік иелері «Жас көшбасшы» журналының ортасынан ойып тұрып орын алған М.Әуезов атындағы орта мектебінің 3 «а» сынып оқушылары  Ахмедова Муслима Махсетовна мен  Өтеміс Мухаммедали Барақұлы.Олардың білімі мен өнер қоржынындағы жетістіктері мақтанарлықтай екенін, Муслима да, Мухаммедали де бір мақсаттың төңірегінде біріге алатын , үлкен жетістіктерге жетуге ұмтылатын оқушылар, – деп атап көрсетті сынып жетекшісі Курманова Алия Анарбековна. Қазіргі заман талабы «Білімдінің күні жарық, білімсіздің күні қараң» екенін мойындап, өркениетке, ғылымға бет бұруды ұсынған кезең.Ендеше әр оқушы көшбасшы болуға лайық. Егеменді еліміздің болашағы – білімді ұрпақтың қолында екенін ұмытпайық!