Балалардың қауіпсіздігін қамтамасыз ету мақсатында ақпараттық түсіндіру жұмыстары жүргізілді.

М.Әуезов атындағы орта мектебінде 2025 жылдың қаңтар айынан бастап балалардың қауіпсіздігін қамтамасыз ету мақсатында 111 мемлекеттік байланыс орталығының QR коды – «111» QR коды кіреберіс есіктерге, асханаға, баспалдақтарға, бірінші және екінші қабатқа ілінді.  Директордың тәрбие ісі жөніндегі орынбасары, мектеп психологтары бұл туралы білім алушыларға толық мағлұмат бере отырып, енді оқушылар буллингке, түрлі зорлық-зомбылыққа ұшыраған жағдайда немесе психологиялық ахуалдың алдын алуы туралы хабарламаларды «111» бірыңғай нөміріне қоңырау шалумен қатар, осы QR-код арқылы СМС хабарламаларын жіберіп, өтініш білдіруге болатынын және «111» QR коды тәулік бойы жұмыс істейтінін, мұндай тақтайшалар білім беру ұйымдарымен қоса, балалар үшін қолжетімді орындарда, автобус аялдамаларында да орналасқандығы жайында ақпараттық түсіндіру жұмыстарын жүргізді.