Мұхтар Әуезов атындағы орта мектеп

"Анама арнап ән салам" өнер байқауы өтті

admin — Thu, 14 Mar 2024 14:56:23 +0600

2024 жылдың 24 ақпанында Қаскелең қаласының мәдениет үйінде Халықаралық әйелдер күні аясында VI аудандық «Анама арнап ән салам» атты өнер байқауы ұйымдастырылды. Аталған шараға М. Әуезов атындағы орта мектебінің 4 «Б» сынып оқушысы Сұлтан Диас «Көркем сөз» номинациясы бойынша өнер көрсетіп, ІІ-орынды иеленді. Жетекшілер: М. Джамалиева, А. Агыбаева.

Педагогтерді аттестаттау Қағидаларына енген өзгерістер

admin — Thu, 07 Mar 2024 15:24:14 +0600

Құрметті ұстаздар! Педагогтерді аттестаттау Қағидаларына енген өзгерістер және "Ұстаз" атты педагогтің үздіксіз кәсіби даму ұлттық платформасын іске қосуға байланысты біріңғай call-орталық құрылды. Мамандар аттестаттаудан өтудің жаңа форматы туралы барлық сұрақтарға жауап беретін болады. Тілдер: қазақ, орыс. Жұмыс уақыты дүйсенбі-жұма 09.00-ден 18.00-ге дейін.

Семинар-практикум өтті.

admin — Tue, 27 Feb 2024 18:34:46 +0600

Алматы облысы білім басқармасының Қарасай ауданы бойынша білім бөлімі мемлекеттік мекемесінің әдіскері Г. Дауталиеваның жұмыс жоспарына сәйкес педагог-психологтар мамандарына «Буллинг, кибербуллингтің алдын алу» тақырыбында семинар-практикум өткізілді. Мақсаты: Балалар мен жасөспірімдер арасында каллоборативті орта құруда мектеп психологтарының тәжірибесін кеңейту, әдістерін түрлендіру.
Аталған шара Әлжан Бұқарбайқызы атындағы қазақ орта мектебінде ұйымдастырылды. Семинар-практикумда М. Әуезов атындағы орта мектебінің психологтары А. Набиева мен М. Джамалиева «Амандасу» ойын-жаттығуын жүргізді. Сондай-ақ, Еңбекші орта мектебінің педагог-психологы Г. Тилеуовамен бірге А. Набиева №506 бұйрық бойынша жұмыс жүргізу құжаттар тізбегімен таныстырды, өз іс-тәжірибесінен мысалдар келтірді. Сонымен бірге, М. Джамалиева Шамалған орта мектебінің педагог-психологы А. Умурбековамен бірге «Кейс жағдаяттары» топтық жұмыс жүргізді.

"Қыз - еркем, кестесімен көркем"

admin — Thu, 22 Feb 2024 18:27:25 +0600

"Шабыт" әдістеме бірлестігінің онкүндігі аясында "Қыз - еркем, кестесімен көркем" тақырыбында 6а,6ә,6б сынып қыздары арасында сайыс сабақ өткізілді.Сабақ қазақтың ою-өрнектерін құрастыра отырып, ұлттық құндылықтарымызды дәріптеуден басталды.Қатысушы қыздарымыз өз өнерлерін ортаға салып, шеберліктерін таныта білді.
6а - 1 орын
6ә - 2 орын
6б - 3 орын алып, сабақ тартымды өтті.

Жалпыға бірдей білім беру қорынан ыстық тамақпен қамтылған 5 -11 сынып оқушыларының тамақ ішу сәті.

admin — Wed, 21 Feb 2024 13:47:39 +0600

2024 жылдың ақпан айының 16 - 21 күндері аралығында ауа райының қолайсыздығына байланысты бастауыш 1-4 сынып оқушылары онлайн форматқа өтіп, 5 - 11 сыныптар мектепте оқытылды. Жалпыға бірдей білім беру қорынан ыстық тамақпен қамтылған 5 -11 сынып оқушыларының тамақ ішу сәті.

17 ақпан күні 7а сыныбымен "Қысқаша көбейту формулалары арқылы өрнектерді ықшамдау" атты зерттеу сабағы.

admin — Sat, 17 Feb 2024 20:29:34 +0600

«Ел мен елді, халықпен халықты теңестіретін нәрсе, ол – білім» - деп ұлы тұлға М. Әуезов айтқандай, білім – бұл қоғамның ең жауапты, ең қастерлі саласы. Лессон Стади зерттеу сабағы оқушының оқуына, мұғалімнің кәсіби тәжірибесінің артуына ықпал ететін педагогикалық тәсіл, яғни оқушылардың сабаққа қызығушылығын оятып, білім сапасын арттыруда тиімді тәсіл. Қысқы цикл аясында 17 ақпан күні 7а сыныбымен "Қысқаша көбейту формулалары арқылы өрнектерді ықшамдау" атты зерттеу сабағы өткізілді. Пән мұғалімі педагог-зерттеуші Джаздыкбаева А. К. Сабақтың мақсаты: алгебралық өрнектерді көбейткіштерге жіктеу үшін қысқаша көбейту формулаларын қолдана алады. Зерттеу сабақтары оқушылардың ойлау қабілетін дамытуға, пәнге деген қызығушылығын арттыруға көп көмегін тигізді. Лессон Стади оқушыға саналы білім беруді көздеген, бір мақсатқа жұмылған ұстаздар шеберханасы деп айтсақ, артық айтпаған болар едік. Келген бақылаушылармен, әріптестерімізбен өз сабақтарына талдау жасау арқылы кері байланыстың баланың білімін жақсартуда, сабаққа деген ынтасын ілгерлетуде маңызын тереңірек ұғындық.

Шункараев Амангелді Жанболсынұлы 6"б" сыныбымен "Бірайнымалысы бар теңсіздіктер, бір айнымалысы бар теңсіздіктерге есептер шығару" тақырыбында ашық сабақ.

admin — Sat, 17 Feb 2024 14:48:35 +0600

Апталық аясында математика пәнінің мұғалім Шункараев Амангелді Жанболсынұлы 6"б" сыныбымен "Бірайнымалысы бар теңсіздіктер, бір айнымалысы бар теңсіздіктерге есептер шығару" тақырыбында ашық сабақ өтті. Оқушылар белсене қатысып өздерінің жаңалыққа құштар, алғыр екендіктерін көрсете білді. Оқушылар жарыса есеп шығарып мұғалімнің сабақ мақсатына жете алғанын көрсетіп берді.

Республикалық Ыбырай Алтынсарин оқулары 16 ақпан 2024 ж

admin — Fri, 16 Feb 2024 20:34:53 +0600

2 Б сынып жетекшісі Берекетова Жанагуль Жусуповна

Алматы облысы білім басқармасы"Облыстық әдістемелік орталығы. "Физика сабағында күрделі тақырыптар бойынша зертханалық жұмыстарды жүргізудің тиімді тәсілдері" тақырыбында зертханалық алаң өткізілді.

admin — Fri, 16 Feb 2024 14:59:17 +0600

Алматы облысы білім басқармасы"Облыстық әдістемелік орталығы" КММ-нің жылдық жоспарына сәйкес Қарасай ауданы, "Абай ауылындағы 2 орта мектеп" КММ базасында 16 ақпан күні "Физика сабағында күрделі тақырыптар бойынша зертханалық жұмыстарды жүргізудің тиімді тәсілдері" тақырыбында зертханалық алаң өткізілді. Педагог-сарапшы физика пәні мұғалімі К.Утеулиева 8 -сынып оқушыларымен "7зертханалық жұмыс. Электр тогының жұмысы мен қуатын анықтау" тақырыбында ашық сабақ өткізді. Сабақтың мақсаты:оқушыларға Pasco құралдары арқылы электр тогының жұмысы мен қуатын анықтап, есептеулер жүргізу.

"Поэзия патшасы" онлайн өнер байқауының жеңімпазы атанды

admin — Wed, 14 Feb 2024 21:17:54 +0600

2024 жылдың 14 ақпанында "Алтын ғасыр" шығармашылық орталығы мен "Bilim stars" республикалық ғылыми-әдістемелік, педагогикалық журналының "Поэзия патшасы" республикалық жас өнерпаздар арасындағы ақын Мұқағали Мақатаевтың шығармашылығына арналған онлайн өнер байқауына М. Әуезов атындағы орта мектебінің 4 "Б" сынып оқушысы Сұлтан Диас қатысты. Диас Шарапатұлы байқауға "Көркем сөз" жанры бойынша қатысып, І-орынға ие болды.
Білімі мен өнегесін өскелең ұрпақтың бойына сіңіріп, рухы биік әрі өнерлі шәкіртті тәрбиелегені үшін "Үздік жетекші - ұстаз" А. Агыбаева мен М. Джамалиеваға Құрмет грамоталары табысталды.