Ата-анама алғысымды айтамын!

Адам өміріндегі ең маңызды кездесулер – балаларымен кездесуі. Оларға көп назар аудару, жақсы көретіндігін жиі айту, өз балаңды тыңдай білу және оның қажеттіліктерін түсіну маңызды. Балалар қауіпсіздікті сезінгенде, өздеріне деген сүйіспеншілік пен қамқорлықты сезінгенде дұрыс дамиды. Көптеген ата-ана үшін баласымен тығыз байланыс орнату оңай келеді. Балалық шағында өзіне деген сүйіспеншілікті, қорғанысты немесе құрметтеуді сезінбеген кейбір адамдар үшін сүйіспеншілікті қалыптастыру әлдеқайда үлкен қиындық тудыруы мүмкін. Осы мақсатта М.Әуезов атындағы орта мектебінің психологтары А. Набиева мен М. Джамалиева 7-сынып оқушыларымен «Ата-анама алғысымды айтамын!» атты бейнеролик түсіре отырып, ата-аналарға балаларының жүрекжарды тілектерін жеткізді. Ата-аналардың өз балаларына деген сүйіспеншіліктері, жылы сөздері  қуантарлық жағдай.